HIBER NATION

Ikulong niyo ako sa kwartong ito,
takpan ang mga bintana at gawing selyado ang bawat butas
na malulusutan ng sinag,
ayokong malaman ang pag usad ng oras at panahon
gusto kong mabuhay sa isang kahon.

dal'han ninyo ako ng pagkain isang beses sa buong mag-hapon,
wag lamang itugma sa oras ng tanghalian, hapunan at pag-bangon,
bigyan niyo ako ng kape sa gabe, sa arinola ko na lamang
ihahatid ang aking mga basura't mensahe.

gusto kong malipasan ng panahon,
gusto kong maramdaman ang alarma ng pagka gutom,
gusto kong maging isang hangin sa loob ng silid,
gusto kong maging espasyo sa loob ng kahon,
sasabihin ko lahat sayo ang pakiramdam non. . .

ako ay isang presong pinlano ang pagkakakulong at pinag-aralan ang buong proseso,
nais ko lamang makatakas sa mga mata at mapigilan ang panahon sa sarili kong mundo,
kulayan ng itim ang buong pader at ding ding,
na parang lumulutang sa kalawakan at ang tanging kasama ay ang papel, lapis at gitara ko. . .


gusto kong malipasan ng panahon,
gusto kong maramdaman ang alarma ng pagka gutom,
gusto kong maging isang hangin sa loob ng silid,
gusto kong maging espasyo sa loob ng kahon,
aalamin ko ang lahat ng pakiramdam non. . .